90 km sürətlə gedərkən diqqətli olun - 250 manat cərimə oluna bilərsiniz - VİDEO
Saatda sürətinin 90 kilometr olduğunu deyən sürücüyə elektron qaydada cərimə tətbiq edilib.
Redaktor.az xəbər verir ki, hadisə paytaxda yaşayan Siyəzən rayon Sakini Elnur Aslanovun başına gəlib.
Sürücü Elnur Aslanov "Xəzər Xəbərə" deyib ki, ''99-HL-216'' dövlət qeydiyyat nişanlı avtomobili ilə Mərdəkan şossesində hərəkətdə olarkən, yoldakı sürətə uyğun olaraq 90-la gedirmiş. Amma ona bir neçə dəqiqədən sonra gedəcəyi ünvana çatdıqda radara düşməsi barədə "sms” gəlib.
Sürücü hesab edir ki, radar onu texniki olaraq səhv salaraq elektron qaydada cərimə edib. O, bununla bağlı polisə də məlumat verəcəyini deyir.
Məsələ ilə bağlı Baş Dövlət Yol Polisi İdarəsinə müraciət edilib. Qurumdan bildirilib ki, qeyd olunan məsələ araşdırılacaq. Əgər vətəndaşın qeyd etdiyi xüsusat təsdiqini taparsa bu barədə qanunamüvafiq tədbir görüləcək.
Bizi Telegram-da izləyin...
