Emin Ağalarov istefa verdi: “Crocus Group”da artıq səmərəli işləmək mümkün deyil"
Crocus Group-un birinci vitse-prezidenti Emin Ağalarov şirkəti tərk edərək yeni çoxşaxəli “Agalarov Development” müəssisəsini yaradıb.
Redaktor.az xəbər verir ki, bu barədə o özü Rusiya mətbuatına xəbər verib.
"Şirkəti tərk etdim və hazırda öz layihələrimlə məşğulam: "Sea" Breeze kurort şəhəri, fitness klublar şəbəkəsinin inkişafı, eləcə də restoranlar şəbəkəsi",- Ağalarov Rusiya mətbuatına deyib.
Sahibkar getməsini onunla izah edib ki, şirkətdə 22 il çalışıb, paralel layihələrin sayı artıb və “Crocus Group”da artıq beş-on il əvvəl olduğu kimi səmərəli işləmək mümkün deyil. .
“Biz atamla (Araz Ağalarov, Crocus Group-un sahibi) danışdıq və birgə qərar verdik ki, mənim vəzifələrim şirkətin aparıcı top-menecerləri arasında bölüşdürüləcək”, - iş adamı əlavə edib.
İş adamı yeni “Agalarov Development” şirkətinin təkcə tikinti ilə deyil, digər sahələrdə də məşğul olacağını vurğulayıb. Müəssisə doqquz biznes sahəsində fəaliyyət göstərəcək və 60 layihə, o cümlədən fitnes klublar şəbəkəsi, habelə restoranlar şəbəkəsi hazırlayacaq. Xüsusilə, o, Bakı yaxınlığındakı “Sea Breeze” kurort kompleksini və Moskva vilayətindəki “Estate Mall” ticarət mərkəzini idarə edəcək və inkişaf etdirəcək.
Ağalarov istiqamətlər arasında restoran biznesi, fitnes klubları və sığortanın adını çəkib.
Tunar Altunbay
Bizi Telegram-da izləyin...
