Macarıstan bu ölkənin rəhbərinin təyyarəsini səmasına buraxmadı
Cənubi Afrika Respublikası Prezidentinin yüzdən çox təhlükəsizlik işçisi və jurnalistlərin olduğu "South African Airways" (SAA) təyyarəsi Sankt-Peterburqa uçmayacaq və evə qayıdır.
Redaktor.az xəbər verir ki, bu barədə TASS məlumat yayıb.
Bildiriir ki, təyyarə Macarıstanın hava məkanından uçmaq üçün icazə ala bilməyib. Nəticədə Cənubi Afrika prezidentinin təhlükəsizliyini təmin etmək üçün komandanın bir hissəsi və jurnalistlər Afrika ölkələrinin Rusiya Federasiyası və Ukraynaya sülhməramlı missiyası çərçivəsində Sankt-Peterburqa uça bilməyib.
Cənub Afrika prezidentinin təhlükəsizlik xidmətinin rəhbəri general-mayor Uolli Rudenin də olduğu layner cümə axşamı günün ortasında Varşava hava limanında bağlanıb. Sərhədçilər gələnlərə təyyarəni tərk etməyə icazə verməyiblər və onlar 26 saatdan çox təyyarədə olublar. Polşa rəsmiləri təyyarədə "təhlükəli yük", habelə müvafiq sənədləri olmayan silahların tapıldığını açıqlayıb.
"İyunun 16-da axşam saatlarında uzun sürən danışıqlardan sonra 90 təhlükəsizlik işçisi və 11 jurnalistin hamısına təyyarəni tərk etməyə və Varşava otellərinə daxil olmağa icazə verilib. İyunun 17-də səhər saatlarında təyyarənin Varşavadan Sankt-Peterburqa uçacağı güman edilirdi, lakin Macarıstan onun öz hava məkanında uçmasına icazə verməyib",- məlumatda qeyd edilib.
Tunar Altunbay
Bizi Telegram-da izləyin...
