Bu rayonda daşqın ciddi fəsadlar törətdi - Bir nəfəri ildırım vurdu - FOTO
İyunun 20-si saat 16:00 radələrində Daşkəsən rayonu ərazisinə yağan güclü leysan yağış şəhərdə istinad divarlarına, yol infrastrukturuna, rayonun Bayan, Çanaqçı, Quşçu, Aşağı Daşkəsən, Alaxançallı və Qaraqullar kəndlərində körpülərə və yollara, əkin sahələrinə ciddi ziyan vurub.
Redaktor.az xəbər verir ki, dağlardan iri qaya parçaları və palçıq kütləsi avtomobil yollarına töküldüyündən nəqliyyatın hərəkəti dayanıb.
Sel suları Daşkəsən şəhərində bir fərdi yaşayış evini tam qəzalı vəziyyətə salıb. Qəzalı vəziyyətə düşən evin sakinləri müvəqqəti köçürülüb.
Bir nəfər Qaraqullar kənd sakinini ildırım vurub və hazırda o, xəstəxanaya yerləşdirilib.
Daşkəsən Rayon İcra Hakimiyyəti tərəfindən dəymiş ziyanların aidiyyəti yerli qurumlarla birgə aradan qaldırılması işləri davam etdirilir.
Bizi Telegram-da izləyin...
