Sürücülərin nəzərinə! - Bu magistralda bir neçə gün gecələr xətlənmə işləri aparılacaq
Bu gün gecə saat 23:00-dan səhər saat 05:00-dək Bakı-Quba-Rusiya Federasiyası ilə dövlət sərhədi avtomobil yolunun 6-16-cı km-lik hissəsində ("Şamaxinka"-"VAZ dairəsi") hər iki istiqamətdə üfüqi nişanlanma xətlərinin yenidən rənglənməsi işləri həyata keçiriləcək.
Bu barədə Redaktor.az-a AAYDA-nin İctimaiyyətlə əlaqələr şöbəsindən məlumat verilib.
Bildirilib ki, nişanlanma xətlərinin yenidən rənglənməsi bir neçə gün davam etdiriləcək və işlər yalnız gecə saatlarında aparılacaq.
"Sürücülərdən aparılan işlərə anlayışla yanaşmaları, sözügedən hissədə hərəkətdə olarkən diqqətli olmaları, yol hərəkəti qaydalarına və iş aparılan ərazilərdə qoyulmuş müvəqqəti nişanların tələblərinə riayət etmələri xahiş olunur.
Xatırladaq ki, bundan öncə sözügedən magistral yolun 16-30.5-ci km-lik hissəsində də hər iki istiqamətdə analoji işlər aparılıb", - məlumatda qeyd olunub.
Bizi Telegram-da izləyin...
