Göygöl-Toğanalı-Kəlbəcər yolunda hərəkət bərpa edildi - YENİLƏNİB
Göygöldə avtomobil yolunda sel sularının yaratdığı fəsadlar səbəbindən yaranmış problem həll olunub, nəqliyyatın hərəkəti bərpa edilib.
Redaktor.az-ın məlumatına görə, axşam saatlarında yağan leysan nəticəsində Göygöl-Toğanalı-Kəlbəcər avtomobil yolunun Göygöl rayon ərazisindən keçən hissəsində qismən çətinliklər yaranıb.
Aidiyyəti qurumlar tərəfindən görülən işlər nəticəsində sel sularının yaratdığı fəsadlar aradan qaldırılıb və nəqliyyatın hərəkəti tam bərpa olunub.
Qeyd edək ki, sel sularının avtomobil yolunda yaratdığı fəsadlar nəticəsində nəqliyyatın hərəkətində bir müddət çətinliklər yaranmışdı.
****
23:17
Gəncə şəhəri və ətraf bölgələrdə yağan yağış bir sıra fəsadlar yaradıb.
Redaktor.az “Qafqazinfo”ya istinadən xəbər verir ki, hadisə nəticəsində rayonun Aşıqlı kəndi ilə rayon mərkəzini birləşdirən hissəsini sel suları basıb.
Nəticədə Göygöl-Toğanalı-Kəlbəcər yolunda avtomobilərin hərəkəti dayanıb.
Bundan başqa sel yolun hərəkət hissəsinə daş parçaları və ağac qırıqları gətirib.
Hazırda əraziyə adiyyatı qurumların əməkdaşları cəlb olunub.
Yolun açılması istiqamətində işlər gedir.
Bizi Telegram-da izləyin...
