Ağsuda Vətən müharibəsi şəhidinin doğum günü qeyd olundu - FOTO
Azərbaycanın ərazi bütövlüyü uğrunda gedən Vətən müharibəsi döyüşlərində qəhramancasına döyüşərək şəhid olan Xüsusi Təyinatlı Qüvvələrin giziri Zülfüqarov İlkin Nurəddin oğlunun doğum günü Ağsu rayonunda qeyd edildi.
Redaktor.az xəbər verir ki, tədbirdə Yeni Azərbaycan Partiyası Ağsu rayon təşkilatının, Ağsu rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin Ağsu rayon şöbəsinin nümayəndələri, şəhidin yaxınları, şəhid ailələri və rayon sakinləri iştirak ediblər.
Tədbir iştirakçıları ilk öncə şəhid Zülfüqarov İlkin Nurəddin oğlunun Ağsu rayonu Şəhidlər Xiyabanında yerləşən məzarını ziyarət edib, önünə gül dəstələri düzərək, ruhuna dualar oxudular. Daha sonra çıxış edənlər şəhid İlkin Zülfüqarovun keçdiyi şərəfli döyüş və ömür yolundan bəhs ediblər.
Daha sonra tədbir iştirakçıları şəhidin Ağsu rayonu Gursulu kəndində yaşadığı evində yaradılmış ev muzeyi ilə tanış olublar.
Sonda şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
HƏMİDƏ
Bizi Telegram-da izləyin...
