Türkiyə xüsusi xidmət orqanları əməkdaşlarına qarşı sui-qəsd hazırlayan terrorçu zərərsizləşdirildi
Türkiyə Mili İstihbarat Təşkilatı (MİT) terror təşkilatı PKK-nın "nüfuzlu" şəxslərindən sayılan Bəkir Kınanı İraqın Süleymaniyyə şəhərində zərərsizləşdirib.
Redaktor.az “Star” qəzetinə istinadən xəbər verir ki, bu şəxs Türkiyə Silahlı Qüvvələri, polis və MİT üzvlərinə qarşı sui-qəsd etmək üçün təlim keçib. Kod adı "Bawer Botan" olan bu şəxs 2019-cu ildə İraqa gedərək PKK-ya qoşulub. İndiyədək İran və İraqda terror fəaliyyətlərində iştirak edib.
Təlim keçdikdən sonra terrorçunun qanunsuz yollarla Türkiyəyə göndəriləcəyi xəbəri təsdiq olunub. Bu səbəbdən də hərəkətə keçən MİT terrorçunu sui-qəsdlə bağlı təlim aldığı ərazidə əməliyyat keçirərək zərərsiz hala gətirib.
Bizi Telegram-da izləyin...
