Arayik Arutyunyan istefa verdi
Azərbaycanın Qarabağ bölgəsindəki erməni separatçılarının başçısı Arayik Arutyunyan istefa verib.
Redaktor.az xəbər verir ki, o bu barədə feysbuk səhifəsində yazıb.
"Sabah "Artsax Respublikası"nın xalqına və "Artsaxın Milli Məclisi"nə "respublikanın prezidenti" vəzifəsindən istefa verməyimi təqdim edəcəyəm. Son həftələrdə bütün daxili və xarici maraqlı tərəflər və ümumi ictimaiyyətlə əlaqələrimi nəzərə alaraq bu yekun qərarı iki gün əvvəl verdim. Bu, yalnız mənim tərəfimdən verilən məlumat analizimin nəticələrinə əsasən qəbul edilmiş qərardır.
Bundan əvvəl, bugünkü əmrimə əsasən, "Artsax Respublikasının dövlət naziri" Qurgen Nersisyan vəzifəsindən istefa verib, "Təhlükəsizlik Şurasının katibi" Samvel Sergey Şahramanyan geniş səlahiyyətlər verilmiş "dövlət naziri" təyin edilib. Samvel Şahramanyanın seçimini edərkən onun prinsipiallığını, çevikliyini, müxtəlif vəzifələrdə iş təcrübəsini və həm milli təhlükəsizlik, həm də dövlət idarəçiliyinə birbaşa bağlı olan toplanmış biliklərini nəzərə almışam" - Arayik bildirib.
Qeyd edək ki, A.Arutyunyan 2020-ci il may ayının 21-dən separatçılara liderlik edirdi.
T.İSMAYIL
Bizi Telegram-da izləyin...
