Kapital Bankdan Anım Günü ilə bağlı VİDEOÇARX
Kapital Bank Anım Günündə vətənimizin bütövlüyü uğrunda canlarından keçən şəhidlərimizi xüsusi videoçarxla anıb.
Redaktor.az xəbər verir ki, sosial şəbəkələrdə #HeçUnutmadıq həştəqi ilə paylaşılan video böyük maraqla qarşılanıb.
Videoçarxda Mübariz Tağıyevin ifasında unudulmaz “Yada sal məni” mahnısı istifadə olunub. Sözləri cənubi azərbaycanlı şairimiz Piruz Dilənçiyə məxsus olan bu mahnını bəstəkar Eldar Mansurov Birinci Qarabağ müharibəsində vətənin keşiyində dayanan qəhrəmanlarımıza həsr edib. Kapital Bankın təşəbbüsü ilə bütün bu tarixi hadisələrin birləşməsi həssas və gözəl bir işlə nəticələnib.
Bütöv Azərbaycan naminə canını vətən uğrunda fəda edən şəhidlərimizi dərin hörmət və minnətdarlıqla anırıq.
Bizi Telegram-da izləyin...
