"2024-cü il dövlət büdcəsi haqqında” qanun layihəsi Milli Məclisə təqdim olunub
“Azərbaycan Respublikasının 2024-cü il dövlət büdcəsi haqqında” qanun layihəsi Milli Məclisə daxil olub.
Redaktor.az xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.
Azərbaycan Respublikası Prezidentinin təqdimatına əsasən “Azərbaycan Respublikasının 2024-cü il dövlət büdcəsi haqqında” qanunun layihəsi və büdcə zərfinə daxil olan sənədlər Milli Məclisə daxil olub.
Əhalinin, o cümlədən vətəndaş cəmiyyəti institutlarının dövlət büdcəsi ilə bağlı məlumatlara əlçatanlığının təmin olunması, habelə parlamentin fəaliyyətində ictimai iştirakçılığın artırılması məqsədilə müvafiq qanun layihəsi parlament müzakirələrindən əvvəl Milli Məclisin rəsmi internet səhifəsində yerləşdirilir.
Məlumat üçün bildiririk ki, “Azərbaycan Respublikasının 2024-cü il dövlət büdcəsi haqqında” qanun layihəsi “Azərbaycan” qəzetinin 14 oktyabr 2023-cü il tarixli nömrəsində dərc olunub.
Layihə ilə aşağıda göstərilən keçiddən istifadə edərək tanış olmaq olar.
https://www.meclis.gov.az/news-layihe.php?id=2168&lang=az&par=0
Bizi Telegram-da izləyin...
