Yaxın on gün ərzində hava necə olacaq? - AÇIQLAMA

 12:25 28.11.2023     489

Yaxın on gün ərzində hava kəskin soyumayacaq.

Redaktor.az xəbər verir ki, bunu ekologiya və təbii sərvətlər nazirinin müavini Umayra Tağıyeva bildirib.

Bakıda keçirilən tədbirdə danışan nazir müavini deyib ki, hava ilə bağlı uzunmüddətli proqnoz vermək doğru deyil: "Hava ilə bağlı daha etibarlı proqnozlar 3-4 günlük və bir həftəlik olur. Bundan daha uzun müddətə nəsə söyləmək düzgün deyil. Bu, yalnız fərziyə ola bilər".

Nazir müavini bildirib ki, qışda hava şəraitinin soyuq keçəcəyi istisna edilmir: "Ancaq yaxın həftə, on gün ərzində havanın temperaturunun kəskin şəkildə aşağı düşəcəyini gözləmirik".