Azərbaycanda qızılcaya yoluxma halları artır - RƏSMİ
![](https://img.redaktor.az/news/2023/12/photo_224106.jpg?v=MDM6MjIyMDIzLTEyLTAxIDE0OjU5OjI1)
"Hazırda ölkə ərazisində qızılcaya yoluxma sayında artım müşahidə olunur".
Redaktor.az xəbər verir ki, bunu TƏBİB-in Yoluxucu xəstəliklər və infeksion nəzarətin təşkili şöbəsinin baş məsləhətçisi Turan İbrahimova deyib.
Onun sözlərinə görə, yoluxma hallarının artmasına səbəb COVID-19 pandemiyası zamanı uşaqların peyvənddən kənar qalmasıdır.
TƏBİB rəsmisi bildirib ki, virus xəstəliklərindən qorunmağın ən effektiv yolu peyvəndlənmədir: “Koronavirus pandemiyasını da buna misal çəkmək olar. Peyvənd olunan şəxslər virusa yoluxsa da, bunu yüngül keçirə bilər. Qızılca peyvəndinə əks göstəriş olan hallar da var" (report).