"“Qarabağ”ın sağ əli Türkiyə klublarının başına!" - Fazil Mustafa
"“Qarabağ” Avropa Liqasında qrup ikincisi olaraq yoluna davam edir. Azərbaycan adına çox böyük uğurdur! Qurban Qurbanov və komandasını təbrik edirəm, ağır zəhmət bahasına başa gələn bir nəticədir bu".
Redaktor.az xəbər verir ki, bunu Milli Məclisin deputatı Fazil Mustafa deyib.
O qeyd edib ki, komandanın dəyişməz özəlliyi sistem və intizamdır.
"Ulduz oyunçusu yox, ancaq oyunda ulduzlaşan komanda var. Uduzanda belə, komanda ərimir, tokülmür, mücadilədən qopmur. “Qarabağ”ın sağ əli milyonlarla vəsait xərcləyib bahalı oyunçular alan və sabit, ağıllı oyun göstərə bilməyən qardaş Türkiyənin klublarının başına! Bundan sonrası daha çətindir, ancaq inandığımız budur ki, şərtlər nə qədər ağır olsa da, bu komanda oyunu ilə bizi məyus etməyəcək. “Hamını udmaq deyə bir qayda yox”, ancaq “öz adını qorumaq və layiqli oynamaq” deyə bir prinsip var futbolda. “Qarabağ”ımıza görə Qürurluyuq, sevincliyik", - deyə F.Mustafa yekunlaşdırıb.
Xatırladaq ki, "Qarabağ" tarixində ilk dəfə UEFA Avropa Liqasında pley-offa yüksəlib.
Ötən gecə Qurban Qurbanovun baş məşqçilik etdiyi komanda turnirin qrup mərhələsinin VI turunda Bakıda İsveçin "Hakken" klubu ilə üz-üzə gəlib.
Rəqibini 2:1 hesabı ilə məğlub edən Azərbaycan təmsilçisi növbəti raunda visəqə qazanıb.
T.İSMAYIL
Bizi Telegram-da izləyin...
