Tağı Əhmədov vəzifəsindən istefa verdi - yeni təyinat
Azərbaycan Memarlıq və İnşaat Universitetinin Nəqliyyat və logistika kafedrasının müdiri Tağı Əhmədov işindən ayrılıb.
Bu barədə Redaktor.az-a universitetin mətbuat katibi Nicat Abdullayev məlumat verib.
"Tağı müəllim dekabr ayında öz istəyi ilə işdən ayrılıb. İşdən ayrılmasına isə səbəb səhhətində olan müəyyən problemlər olub. Tağı müəllimin yerinə texnika elmləri doktoru Qasım Abdullayev təyin olunub".
Qeyd edək ki, Tağı Əhmədov 1998-ci ildən 2014-cü ilə kimi Bakı Metropoliteninin rəisi işləyib.
2016-cı ildən bu günə kimi isə Azərbaycan Memarlıq və İnşaat Universitetindəki Nəqliyyat fakültəsində Nəqliyyat və logistika kafedrasının müdiri vəzifəsini tutub.
Humay İSGƏNDƏRLİ
Bizi Telegram-da izləyin...
