TƏBİB rəhbəri 3 rayonun xəstəxanasına yeni baş direktorlar təyin etdi
![](https://img.redaktor.az/news/2024/02/photo_232252.jpg?v=MDM6MjgyMDI0LTAyLTE5IDE1OjIxOjQ2)
TƏBİB-in icraçı direktoru Vüqar Qurbanovun təqdimatı ilə bəzi tibb müəssisələrinə yeni direktorlar təyin ediliblər.
Bu barədə Redaktor.az-a TƏBİB-dən məlumat verilib.
Ağdaş Rayon Mərkəzi Xəstəxanasına İntiqam İbrahimov, Cəlilabad Rayon Mərkəzi Xəstəxanasına Namiq Həsənov, Kürdəmir Rayon Mərkəzi Xəstəxanasına isə Elçin Bilalov direktor vəzifəsinə təyinat alıb.
Ağdaş Rayon Mərkəzi Xəstəxanasının direktoru İntiqam İbrahimov ixtisasca otolorinolarinqoloqdur. O, bu təyinatadək Ağdaş Rayon Mərkəzi Xəstəxanasının direktor müavini - baş həkim vəzifəsini icra edib.
Cəlilabad Rayon Mərkəzi Xəstəxanasının direktoru Namiq Həsənov ixtisasca cərrahdır. Yeni təyinatınadək Akademik M.A.Topçubaşov adına Elmi Cərrahiyyə Mərkəzinin şöbə müdiri kimi fəaliyyət göstərib.
Kürdəmir Rayon Mərkəzi Xəstəxanasının direktoru Elçin Bilalov ixtisasca terapevtdir. O, bundan əvvəl Ağdaş Rayon Mərkəzi Xəstəxanasının nəzdində olan Tofiqi Ailə Sağlamlıq Mərkəzinin müdiri vəzifəsində çalışıb.
Yeni direktorlar kollektivə təqdim olunub, vəzifələrinin icrasına başlayıblar.
![2](https://img.redaktor.az/gallery/2024/02/232252_65d339caac689.jpg)
![2](https://img.redaktor.az/gallery/2024/02/232252_65d339caac9d9.jpg)
![2](https://img.redaktor.az/gallery/2024/02/232252_65d339caaca18.jpg)