Deputat İpoteka və Kredit Zəmanəti Fondunda yoxlama təklif etdi
"Biz deputatlar, o cümlədən mən hər zaman deyirik, filankəs oğurladı, filankəs qaçdı".
Redaktor.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikası Hesablama Palatasının 2023-cü ildə fəaliyyəti haqqında Hesabat”ın müzakirəsi zamanı deputat Rüfət Quliyev deyib.
O təklif edib ki, biz nümunəvi qurumları müəyyənləşdirək: “Yəni hansı qurumda pozuntu olmayıbsa, bunu açıqlaya bilərik”.
R.Quliyev qeyd edib ki, hesabatda yayınma, itki, kənarlaşma, mənimsəmə ifadələri var.
“Bunların ən çoxu satınalmalarla bağlıdır, daha dəqiq olmalıyıq. 0,2 milyon manat və 0,5 milyon qayıdışla bağlı rəqəmlər görürük. Sonda İpoteka və Kredit Zəmanəti Fondu var, 3 milyard manatdan çox o fondun xətti ilə kreditlər ayrılıb. Bu fond yoxlanılıbmı və yoxlanılacaqmı?”, - deyə deputat sual edib.
Bizi Telegram-da izləyin...
