Ağdamın bu kəndlərinə köçürüləcək ailələrin sayı AÇIQLANDI

 12:55 03.05.2024     188

Bu ilin sonuna qədər Ağdamın işğaldan azad olunan üç kəndinə köç təmin ediləcək.

Redaktor.az xəbər verir ki, bunu Ağdam, Füzuli, Xocavənd rayonları üzrə Azərbaycan Prezidentinin xüsusi nümayəndəsinin müavini Bəşir Hacıyev VI Ümumdünya Mədəniyyətlərarası Dialoq Forumu çərçivəsində Ağdamda keçirilən "Minaların və partlamamış hərbi sursatların mədəni mülkiyyətə təsiri" mövzusunda xüsusi sessiyada deyib.

O qeyd edib ki, Ağdamın Kəngərli kəndinə 292, Xıdırlı kəndinə 719, Sarıcalı kəndinə 203 ailənin köçürülməsi nəzərdə tutulur. Köçürülən əhalinin işlə təmin olunması üçün zavod və fabriklər inşa edilir.

B.Hacıyev əlavə edib ki, düşmənin ölü zonaya çevirdiyi Ağdamda hazırda infrastruktur işləri görülür.