İlham Əliyev Turşsu qəsəbəsinin təməlini qoydu - FOTO
![](https://img.redaktor.az/news/2024/05/photo_240699.jpg?v=MDM6NTcyMDI0LTA1LTEwIDIxOjI1OjU1)
Azərbaycan Respublikasının Prezidenti İlham Əliyev Şuşa rayonunun Turşsu qəsəbəsinin təməlini qoyub.
Redaktor.az xəbər verir ki, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev və “Bakı Abadlıq Xidməti” MMC-nin baş direktoru Bünyad Qasımov dövlətimizin başçısına qəsəbədə görüləcək işlər barədə məlumat verdilər.
Bildirildi ki, işğaldan əvvəl Şuşa rayonunda Şuşa şəhərindən sonra Turşsu qəsəbəsi azərbaycanlıların ən sıx yaşadıqları ikinci yaşayış məntəqəsi olub. Şuşa şəhərindən təxminən 17 kilometr məsafədə, Şuşa–Laçın yolunun kənarında yerləşən qəsəbə 1992-ci il mayın 15-də işğal edilib. 1989-cu ildə aparılmış siyahıyaalmaya əsasən qəsəbədə 755 nəfər yaşayıb. Qəsəbədə fərdi evlər, tibb məntəqəsi, xəstəxana, mədəniyyət evi, kitabxana, məktəb, televiziya ötürücü qurğusu, elektrik yarımstansiyası, uşaq bağçası, musiqi məktəbi, klub və s. binaları olub. İşğal nəticəsində bütün infrastruktur tam dağıdılıb. Hazırda Turşsu qəsəbəsində 353 ailə, 1403 nəfər qeydiyyatdadır.
Yenidənqurma layihəsinə əsasən Turşu qəsəbəsinin ümumi sahəsi 126,46 hektar olacaq. Birinci mərhələdə 79,37 hektar sahədə yenidənqurma işləri aparılacaq.
Sonra Prezident İlham Əliyev Turşsu qəsəbəsinin təməlini qoydu.
***
Azərbaycan Respublikasının Prezidenti İlham Əliyev Şuşa rayonunun Turşsu qəsəbəsinin təməlini qoyub.
![2](https://img.redaktor.az/gallery/2024/05/240699_663e58a38a1fa.jpg)
![2](https://img.redaktor.az/gallery/2024/05/240699_663e58a38b30f.jpg)
![2](https://img.redaktor.az/gallery/2024/05/240699_663e58a38cc3b.jpg)
![2](https://img.redaktor.az/gallery/2024/05/240699_663e58a38ce52.jpg)
![2](https://img.redaktor.az/gallery/2024/05/240699_663e58a38d021.jpg)