Kəmaləddin Heydərov qadın polkovnik-leytenanta yüksək vəzifə verdi
Fövqəladə Hallar Nazirliyinin (FHN) Tibb Xidmətinə yeni rəis təyin edilib.
Redaktor.az “Qaynarinfo”ya istinadən xəbər verir ki, fövqəladə hallar naziri general-polkovnik Kəmaləddin Heydərovun müvafiq əmri ilə bu vəzifəyə polkovnik-leytenant Vəfa Dadaşova təyin olunub.
Qeyd edək ki, ötən ilin sentyabrında Fövqəladə Hallar Nazirliyinin (FHN) Tibb Mərkəzinin rəisi polkovnik Xanım Sofiyeva, ötən ilin dekabrında isə Tibb Xidmətinin rəisi polkovnik Pərviz Vəliyev vəzifələrindən azad ediliblər.
Vəfa Dadaşova hər iki şəxsin vəzifəsini icra edirdi.
Bizi Telegram-da izləyin...
