Azad edilmiş rayonlardakı daş yataqları hərraca çıxarılacaq
Yer təkinin istifadəyə verilməsi üzrə Şərqi Zəngəzur coğrafi-iqtisadi rayonunda ilk dəfə hərrac təşkil olunacaq.
Bu barədə Redaktor.az-a Dövlət Mineral Xammal Ehtiyatlarından İstifadə Agentliyindən məlumat verilib.
Bildirilib ki, hərrac iyunun 12-də Zəngilan rayonunun Ağalı kəndində olacaq. Laçın rayonundakı “Əhmədli” və Qubadlının “Hacılı” əhəng daşı yataqları hərraca çıxarılacaq. Dağ-mədən fəaliyyətilə məşğul olan və hərraca qatılmaq istəyən fiziki və hüquqi şəxslər Dövlət Mineral Xammal Ehtiyatlarından İstifadə Agentliyinin Bakı KOB evindəki (Ziya Bünyadov prospekti, 38c) pəncərəsinə müraciət etməlidirlər.
Qeyd olunub ki, sənədlərin qəbulu iyunun 5-də başa çatır.
Bizi Telegram-da izləyin...
