Bu rayonlarda elektrik enerjisi kəsildi
Qeyri-sabit hava şəraiti Zaqatala və Qax rayonlarını işıqsız qoyub.
Redaktor.az xəbər verir ki, hadisəyə axşam saatlarından başlayaraq davam edən yağışlı və küləkli hava səbəb olub.
Güclü külək nəticəsində iri gövdəli ağaclar Zaqatala rayonu ərazisində 110 kilovoltluq birinci və ikinci xətlərin üzərinə aşıb. Nəticədə Zaqatala və Qax rayonlarında tam olaraq elektrik enerjisinin verilişi dayandırılıb.
"Azərişıq" ASC-nin Şimal-Qərb Regional İdarəsindən "Report"un yerli bürosuna bildirilib ki, regionda yerləşən şəbəkələrin əməkdaşları hadisə baş verən əraziyə yollanıblar. Elektrik enerjisinin bərpası istiqamətində təxirəsalınmaz işlər görülür. (report)
Bizi Telegram-da izləyin...
