Magistralda maşın aşdı, xanım sürücü xəsarət aldı
Cəlilabad rayonunda yol qəzası olub.
Redaktor.az xəbər verir ki, hadisə Ələt-Astara magistralının 95-ci kilometrliyində, Cəlilabad rayonu ərazisində baş verib.
Belə ki, hərəkətdə olan “Toyota” markalı minik avtomobilin sürücüsü idarəetməni itirərək maşını yol kənarına aşırıb.
Qəza nəticəsində sürücü, 1990-cı il təvəllüdlü Bakı şəhər sakini Yusifova Aygün İlham qızı boyun və ayaq nahiyəsindən xəsarət alıb.
Hadisə yerinə gələn Təcili Yardım briqadası tərəfindən yaralı Cəlilabad rayon Mərkəzi Xəstəxanasına çatdırılıb.
Faktla bağlı araşdırma aparılır.
Bizi Telegram-da izləyin...
