Ermənistan sərhədçiləri azərbaycanlı sürücünü QƏTLƏ YETİRDİ
İyulun 12-də İran-Ermənistan sərhədində yük avtomobilinin əslən azərbaycanlı olan sürücüsü, İran vətəndaşı Amid Quluzadə Ermənistan sərhədçiləri tərəfindən qətlə yetirilib.
Redaktor.az apa-ya istinadən xəbər verir ki, bu barədə məlumat Teleqram kanallarında yayılıb.
İnsident milli zəmində baş verib. Belə ki, İran-Ermənistan sərhədinin “Nurduz” sərhəd-keçid məntəqəsində Ermənistan sərhədçiləri məntəqədən yalnız erməni əsilli sürücülərin keçidinə icazə verib. Bu isə ərazidə növbə gözləyən azərbaycanlı sürücülərin narazılığı ilə nəticələnib.Mübahisə əlbəyaxa davaya çevrilib ki, bu zaman erməni sərhədçilər Amid Quluzadəyə ağır bədən xəsarətləri yetiriblər.
Hadisə yerinə təcili yardım çağırılsa da, həkimlər əraziyə bir neçə saatdan sonra gəliblər.
Bu səbəbdən azərbaycanlı sürücü dünyasını dəyişib.
Hələlik baş verən hadisə barədə rəsmi açıqlama verilməyib.
Bizi Telegram-da izləyin...
