Turistləri ölkəmizə necə cəlb edək? - Ekspert AÇIQLADI
Dünyanın bir çox ölkəsində turistlərin ziyarətlərini artırmaqdan ötrü fərqli üsullardan istifadə edilir. Bəs Azərbaycanda turistlərin gəlişini artırmaqdan ötrü hansı vasitələrdən istifadə olunur?
Bu barədə turizm eksperti Ceyhun Aşurov Redaktor.az-a açıqlamasında dedi ki, Azərbaycanda hava limanında olmasa da.dəvət edilən turlarda, rəsmi və yaxud öncədən planlaşdırılmış tədbirlərin sonunda qonaqlara müəyyən kiçik hədiyyələr verilir:
"Yaxşı olardı ki, bu kimi hallar adət forması alsın və Azərbaycana məxsus olan, ölkəni təmsil edən hədiyyələr təqdim olunsun. Bu gələn qonaqlar üçün də xoş və yaddaqalan olardı. Məsələn, qonşu Gürcüstanda pandemiyadan öncə gələn turistlərə hava limanında sənəd-keçid məntəqəsində kiçik şüşədə gürcü şərabı təqdim olunurdu. Məmnuniyyət hər zaman gözləntidən daha çoxu ilə qarşılaşdıqda olur. Belə olanda da ölkə haqqında xoş təəssüratlarını paylaşmağa meylli olurlar".
Sevinc İBRAHİMZADƏ
Bizi Telegram-da izləyin...
