Bakıda obyektdə baş verən yanğın nəzarətə götürüldü - YENİLƏNDİ
Fövqəladə Hallar Nazirliyinin “112” qaynar telefon xəttinə Bakı şəhəri, Binəqədi rayonu, Biləcəri qəsəbəsi, A.Zeynallı küçəsində yerləşən obyektdə yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin qüvvələri cəlb olunub.
Bu barədə Redaktor.az-a FHN-dən məlumat verilib. Bildirilib ki, yanğınsöndürənlərin çevik müdaxiləsi sayəsində yanğın qısa müddətdə ətrafa yayılmasının qarşısı alınaraq nəzarətə götürülüb.
Yanğınla mübarizə tədbirləri davam etdirilir.
Əlavə məlumat veriləcək.
***
16:08
Bakının Binəqədi rayonunun Biləcəri qəsəbəsində istehsalat müəssisəsi yanır.
Redaktor.az xəbər verir əraziyə FHN-in yanğınsöndürmə birqadası cəlb olunub.
Yanğınla əlaqədar ərazidə nəqliyyatın hərəkəti məhdudlaşdırılıb.