Bakıda cəmi 4 nəfər Şaxta baba olmaq istəyib
Sabah Yeni ilə qədəm qoyuruq, amma maraqlı burasındadır ki, gözümüzə Şaxta baba və Qar qızı sataşmır. Bayramqabağı Şaxta baba olmaq üçün neçə müraciət daxil olub? Həmçinin lisenziyanın qiymətində dəyişiklik varmı?
Redaktor.az xəbər verir ki, məsələ ilə bağlı Bakı Şəhər İcra Hakimiyyətindən (BŞİH) Oxu.az-a açıqlamada rüsumun qiymətinin dəyişmədiyi bildirilib:
“Qiymət 60 manatdır”.
Bakı Şəhər Ticarət və Xidmət Departamentindən isə qeyd edilib ki, Bakı şəhəri üzrə Şaxta baba olmaq üçün 4 müraciət daxil olub:
"Sözügedən müraciətlərin hər biri müsbət cavablandırılıb".
Bizi Telegram-da izləyin...
