Bələdiyyə seçkilərində ən yaşlı qadın namizəd məşhur pambıqçı imiş - FOTO
Sabirabadın məşhur pambıqçısı Sosialist Əməyi Qəhrəmanı, I dərəcəli "Əmək" ordeni laureatı Fatma Hüseynovanın bələdiyyə seçkilərində namizədliyi irəli sürülüb.
Redaktor.az xəbər verir ki, onun namizədliyi hakim Yeni Azərbaycan Partiyası (YAP) tərəfindən irəli sürülüb.
Fatma nənə 68 saylı Sabirabad-Şirvan seçki dairəsində Qaaratəpə bələdiyyəsi üzrə namizəddir.
O, həmçinin bələdiyyə seçkilərində namizədliyi irəli sürülən ən yaşlı qadındır.
Qeyd edək ki, Fatma Hüseynova 1939-cu ildə Sabirabadın Abdulyan kəndində anadan olub. O, Azərbaycan SSR Ali Sovetinin (IX çağırış, XI çağırış), SSRİ Ali Sovetinin (X çağırış) deputatı olub.
17 sentyabr 2016-cı ildə Azərbaycan Respublikasının prezidenti İlham Əliyev Sabirabad pambıqçıları, o cümlədən Fatma Hüseynova ilə görüşüb.
2017-ci ildə 1-ci dərəcəli "Əmək" ordeni ilə təltif olunub (modern.az).
Bizi Telegram-da izləyin...
