SOCAR-ın vitse-prezidentlərinə yeni VƏZİFƏ VERİLDİ
“Azər Türk Bank”ın (ATB) rəhbərliyində dəyişiklik olub.
Redaktor.az APA-ya istinadən xəbər verir ki, Əfqan İsayev və Zaur Qurbanov bankın Müşahidə Şurasının üzvü təyin edilib. Ə.İsayev və Zaur Qurbanov bu vəzifələrdə Günel Nəbiyeva və Pərvin Manafovu əvəzləyib.
Qeyd edək ki, Əfqan İsayev və Zaur Qurbanov Dövlət Neft Şirkətinin (SOCAR) vitse-prezidentləridir. SOCAR 2024-cü ildə ATB-nin səhmlərinin böyük hissəsini əldə etdiyini açıqlayıb. Bankın rəhbərliyində dəyişiklik bu fonda baş verib.
Xatırladaq ki, “Azər Türk Bank” 1995-ci ildə yaradılıb. Onun nizamnamə kapitalı 79 mln. manatdır. Bankın səhmlərinin 75%-i Azərbaycan hökumətinə (SOCAR və ƏMDX), 12,37%-i “Ziraat Bank Azərbaycan”a, 1,08%-i “ Ziraat Bank International”a, 6,55%-i “AzRe Reinsurance” təkrarsığorta şirkətinə və 5%-i isə “Qala Həyat” sığorta şirkətinə aiddir.
Bizi Telegram-da izləyin...
