Zahid Orucdan sosial media şirkətləri ilə bağlı TƏKLİF
Sosial media platformalarında yayılan dezinformasiya ilə bağlı hökumətin mövqeyinin gücləndirilməsi vacibdir.
Redaktor.az xəbər verir ki, bunu Milli Məclisin İnsan hüquqları komitəsinin sədri Zahid Oruc parlamentdə çıxışı zamanı bildirdi.
Onun sözlərinə görə, “Made in Azerbaijan”, “Azad Söz” və digər onlayn kanallar da daxil olmaqla, müxtəlif qurum və şəxslər xarici platformalarda ölkə haqqında əsassız məlumatlar yayır.
Avropa ölkələrinin bu sahədə təcrübəsini araşdırdığını deyən Zahid Oruc qeyd etdi ki, həmin ölkələrdə sosial media şirkətləri hökumət qurumları ilə birbaşa əməkdaşlıq aparır:
“Onları hökumət binalarına dəvət edir, ofislərinin fəaliyyət göstərməsini təmin edirlər. Biz də bu yanaşmanı tətbiq edə bilərdik. Sosial media şirkətlərinin Azərbaycanda rəsmi nümayəndəliklərinin açılması hökumət üçün prioritet məsələlərdən biri olmalıdır".
A.ŞAHSUVARQIZI
Bizi Telegram-da izləyin...
