Tibb işçilərinin maaşı artırılmalıdır - Komitə sədri
"Ölkədə səhiyyənin fəaliyyətindən insanlar narazıdırlar. Xüsusilə regionlarda ilkin tibbi yardımın fəaliyyəti demək olar ki, çox zəifdir".
Redaktor.az xəbər verir ki, bu sözləri Milli Məclisin plenar iclasında parlamentin Səhiyyə komitəsinin sədri Əhliman Əmiraslanov bildirdi.
Deputat təklif etdi ki, regionlarda işləyən tibb işçilərinin maaşı artmalıdır:
"İşçilərin maaşının artması regionlara işçi qüvvəsinin cəlb olunmasına kömək edəcək. Həmçinin xərçəng xəstəliklərinin ölümə səbəb olan əsas amillərdən biri olduğunu nəzərə alaraq, onkoloji xəstəliklərin müalicəsinin də icbari tibbi sığorta çərçivəsinə daxil edilməlidir".
NURİYYƏ













