Bakıda maşın 54 yaşlı kişini vurub

 23:59 22.04.2019     374

Bakıda piyadanın ölümü ilə nəticələnən yol qəzası baş verib.

Redaktor.az Trend-ə istinadən xəbər verir ki, hadisə paytaxtın Ziya Bünyadov prospektində baş verib.

Abşeron rayon sakini, 1969-cu il təvəllüdlü Kənan Bəhrəm oğlu Kərimov idarə etdiyi "Volkswagen Passat" markalı "90-KB-785" dövlət nömrə nişanlı avtomobillə Ziya Bünyadov prospekti, 2096 saylı ünvanın qarşısında yolu keçən piyada, 1965-ci il təvəllüdlü İsrəfilov Qorxmaz İsrəfil oğlunu vurub.

Yaralı xəstəxanaya çatdırılsa da, orada dünyasını dəyişib.

Faktla bağlı cinayət işi başlanıb.