Formula-1 Azərbaycan Qran-Prisinin açılışı oldu - YENİLƏNİB
Bakıda Formula-1 Azərbaycan Qran-Prisinin açılışı mərasimi keçirilib.
Redaktor.az Oxu.Az-a istinadən xəbər verir ki, mərasimdə Azərbaycan Prezidenti İlham Əliyev və Azərbaycanın Birinci Vitse-prezidenti Mehriban Əliyeva iştirak ediblər.
Mərasim iştirakçıları Beyimxanım Vəliyeva və Nurlan Növrəslinin ifasında Azərbaycan himnini dinləyiblər.
14.56
Bakı Şəhər Halqası Əməliyyat Şirkətinin (BŞH) təşkilatçılığı ilə keçirilən “Formula 1” SOCAR Azərbaycan Qran Prisi 2019 yarışının açılışı əvvəlkilərdən fərqli olacaq.
Redaktor.az Oxu.az-a istinadən xəbər verir ki, saat 15:40-da başlayacaq açılışda əvvəlcə tamaşaçılara builki yarış üçün xüsusi tərtib olunmuş kubok təqdim olunacaq.
Sonra himn mərasiminə start veriləcək. Mərasimdə Azərbaycan dövlət himni tanınmış bəstəkar Azad Vəliyevin yeni aranjimanında səsləndiriləcək. Himn mərasimində Azərbaycan Respublikası hökumətinin yüksək rəsmiləri, “Formula 1” şirkətinin rəhbərliyi və pilotlar iştirak edəcəklər. Pilotları “Gələcəyin ulduzları” adlanan azyaşlılar müşayiət edəcək.
Himni respublikanın əməkdar artistləri Bəyimxanım Vəliyeva ilə Nurlan Növrəsli birlikdə müvafiq olaraq muğam və klassik üslüblarında ifa edəcəklər. Onları tarda əməkdar artist Şəhriyar İmanov, nağarada əməkdar artist Kamran Kərimov, voilonçeldə Emin Qaliyev və bəm nağarada Hüsaməddin Əzizov müşayiət edəcəklər. İfaçılar xalq və klassik üslublarına aid geyimdə olacaqlar.
Bizi Telegram-da izləyin...
