Salyanda idmançıları daşıyan avtobus aşıb - 1 nəfər ölüb, 8 nəfər yaralanıb / YENİLƏNİB
Salyanda baş verən qəzada ölən şəxsin kimliyi bəlli olub.
Redaktor.az ONA-ya istinadən bildirir ki, qəza zamanı Şirvan şəhər sakini, 11 yaşlı Əhmədov İlkin Adil oğlu hadisə yerində ölüb.
O, avtomobilin sürücüsü və məşqçi Samir Əhmədovun əmisi nəvəsidir
* * *
Saat 10:18
Salyanda baş verən qəzada yaralananların adları bəlli olub. Yaralanan şəxslər bunlardır:
Ağayev Ülvi Dostum oğlu (2008)
Kazımov Fərid Saleh oğlu (2008)
Əzizov Hüseyn Əliağa oğlu (2005)
Əhmədov Kamal Samiroğlu (2007)
Əhmədov Samir Əhməd oğlu 1980 (sürücü və məşqçi)
Səfərov Murad Əhməd oğlu (2008)
Ramazanov Adəm Seymur oğlu (2008)
Kazımov Əli İntiqam oğlu (2007)
Səhiyyə Nazirliyi mətbuat xidmətinin rəhbəri Pərviz Abubəkirov ONA-ya bildirib ki, onlardan 7-nin vəziyyəti normal, birinin vəziyyəti isə ağır stabil qiymətləndirilir. Yaralılardan Ramazanov Adəm Seymur oğlu kəllə-beyin travması ilə xəstəxananın reanimasiya şöbəsinə yerləşdirilib.
* * *
Saat 09:34
Salyanda idman yarışına gedən gəncləri daşıyan mikroavtobus qəzaya uğrayıb, bir nəfər ölüb.
Hadisə Ələt-Astara magistral yolunun Salyan rayonu ərazisindən keçən hissəsində qeydə alınıb.
Şirvan şəhər sakini Samir Əhmədovun idarə etdiyi “Vita” markalı avtomobil idarəetməni itirərək yoldan çıxıb və aşıb. Hadisə nəticəsində gənc idmançılardan biri ölüb, 8 nəfər yaralanıb. Yaralılar Salyan rayon Xəstəxanasına yerləşdirilib.
Mikroavtobusun sərnişinləri Şirvan şəhər İdman Məktəbinin sərbəst güləş üzrə yeniyetmələrdən ibarət komandasının üzvləri olub. Onlar Cəlilabad rayonunda təşkil olunan turnirə qatılmaq üçün gedərkən qəzaya uğrayıblar. Sürücü eyni zamanda komandanın məşqçisidir.
Faktla bağlı araşdırma aparılır.
Bizi Telegram-da izləyin...
