Bəzi ustalar 10-20 manat qarşılığında... - Sürücülər, MÜTLƏQ OXUYUN!
"Avtomobilin təkərini qaynaq edərkən partladı, usta dünyasını dəyişdi" tipli xəbərlərə tez-tez rast gəlirik. Ötən gün Nərimanov rayonunda baş verən hadisə də onlardan biri idi. Partlayış nəticəsində 48 yaşlı sürücü dünyasını dəyişmişdi.
Bu gün əksər sürücülər avtomobilin təkərini qaynaq etməsi üçün ustaya müraciət edir. Lakin minik avtomobilinin təkərinin qaynaq etdirilməsi doğru deyil.
Avtomobil üzrə texniki məsləhətçi Əli Sultanov Redaktor.az-a açıqlamasında bildirib ki, dünyanın heç bir ölkəsində minik avtomobilinin təkəri qaynaq olunmur:
"Bu gün bəzi ustalar təxminən 10-20 manat qarşılığında minik avtomobillərinin təkərini qaynaq edirlər. Bu, yanlız Azərbaycanlı ustalara məxsusdur. Böyük texnikaların təkərlərini qaynaq etmək mümkündür. Hansı ki, həmin avtomobillər cınqıllı daşların üstündə işləyirlər. Həmin avtomobillərin təkərini yalnız bir şərtlə qaynaq etdirmək olar. Bu zaman təkərin içində hava olmasın. Minik və yük maşınlarının təkərinin qaynağı isə heç bir halda düzgün deyil”.
Texniki məsləhətçi sürücülərə tövsiyə edib ki, avtomobil təkərləri istismar müddəti bitdikdən sonra yeniləri ilə əvəz edilməlidir. Təkərin hansısa bir hissəsində dəlik açılıbsa, qaynaq edilməsi məsləhət deyil.
Gülşən Şərif/ Redaktor.az
Bizi Telegram-da izləyin...
