Blokçeyn texnologiyalarının tətbiqi üçün infrastruktur yaradılacaq
Azərbaycanda bu ilin sonunadək blokçeyn texnologiyalarının tətbiqi üçün infrastruktur yaradılacaq.
Redaktor.az-ın trend.az-a istinadən verdiyi məlumata görə, bunu Mərkəzi Bankın baş informasiya inzibatçısı Fərid Osmanov deyib.
O qeyd edib ki, bu, Azərbaycanda 2018-2020-ci illərdə rəqəmsal ödənişlərin genişləndirilməsi üzrə Dövlət Proqramının imzalanması ilə başlamış pilot layihədir.
F.Osmanov qeyd edib ki, 2019-cu ilin əvvəlində müvafiq prototip yaradılıb:
“Hazırda blokçeyn texnologiyasının tətbiqi üçün müvafiq orqanlarla gələcək addımların üzrə plan hazırlanır”.
Onun sözlərinə görə, bu məsələdə əsas məqsəd gələcəkdə Azərbaycanın maliyyə imkanlarını genişləndirəcək açıq bankçılıq modelinin yaradılmasıdır.
Bizi Telegram-da izləyin...
