Bakıda ticarət mərkəzində baş vermiş yanğında 2 FHN işçisi XƏSARƏT ALIB
"Zagulba Mall" ticarət mərkəzində baş vermiş yanğında 2 nəfər FHN işçisi tüstüdən boğulma təhlükəsi yaşayıb.
Səhiyyə Nazirliyinin mətbuat xidmətindən Redaktor.az-a verilən məlumata əsasən, FHN işçiləri Respublika Toksikologiya Mərkəzinə yerləşdirilib.
Qeyd edək ki, Xəzər rayonu, Buzovna qəsəbəsində yerləşən "Zagulba Mall" üçmərtəbəli ticarət mərkəzində yanğın hələ də davam edir. Hadisə yerinə 7 təcili yardım briqadası cəlb edilib. 4 nəfər hospitalizasiya edilib. 3 nəfər - 2 qadın, 1 kişi taksikologiyaya, digər bir qadın isə qıcolma ilə 26 BŞX-ya (26 saylı Birləşmiş Şəhər Xəstəxanası) yerləşdirilib. Bir neçə nəfərə isə yerində yardım göstərilib.
Binada olan insanlar təxliyə edilib. Yanğınsöndürmə və digər təxirəsalınmaz tədbirlərin həyata keçirilməsi işləri davam etdirilir.
Xəyalə Məmmədova
Bizi Telegram-da izləyin...
