Avroliqanın finalı ilə bağlı təcili yardıma 47 çağırış daxil olub
Səhiyyə Nazirliyi Bakıda Avropa Liqasının finalı ilə bağlı Bakı Şəhəri üzrə Təcili və Təxirəsalınmaz Tibbi Yardım Stansiyasına daxil olan şikayətlərin yekun sayını açıqlayıb.
Nazirlikdən Redaktor.az-a verilən məlumata görə, ümumilikdə təcili yardıma 47 müraciət qeydə alınıb. Onlardan 19- xarici ölkə, 28 nəfər Azərbaycan vətəndaşıdır: “3 nəfər hospitalizasiya edilib. Artıq onlar evlərinə buraxılıblar. Həmin şəxslərdən 2-si xarici, biri yerli sakin olub. Ümumilikdə müraciət edənlər əsasən baş ağrısı, alkoqol intoksikasiyası, təzyiq, travma (yıxılıb xəsarət alanlar), mədə ağrılarından şikayət ediblər”.
Bizi Telegram-da izləyin...
