Ucarda maşın aşıb, iki nəfər yaralanıb
Ucarda xəsarətlə nəticələnən yol qəzası baş verib.
Redaktor.az ONA-nın yerli bürosuna istinadən xəbər verir ki, hadisə bu gün Bakı-Qazax əsas magistral yolunun Ucar rayonunun Alpout kəndindən keçən hissəsində qeydə alınıb.
“Mercedes” markalı minik maşın idarəetmədən çıxaraq yol kənarına aşıb. Nəticədə hələ ki şəxsiyyəti müəyyən olunmamış 2 nəfər müxtəlif xəsarətlərlə Ucar Mərkəzi Rayon Xəstəxanasına yerləşdirilib.
Faktla bağlı araşdırma aparılır.
Bizi Telegram-da izləyin...
