Qubada iki minik avtomobili toqquşub

 13:58 23.06.2019     426

Quba rayonunda iki minik avtomobili toqquşub.

Redaktor.az "Report"un Şimal bürosunun məlumatına istinadən xəbər verir ki, rayon mərkəzində "VAZ-21015" markalı avtomobil "Jeep" markalı avtomobilə çırpılaraq onu aşırıb.

Nəticədə "Jeep"in sürücüsü xəsarət almasa da, rayon sakinləri digər avtomobilin sürücüsü 1995-ci il təvəllüdlü Elvin Okrat oğlu Cabbarov, sərnişinləri 1996-cı il təvəllüdlü Mehrab Nazim oğlu Xürrəmizad və 1995-ci il təvəllüdlü İbrahim Abdurəhman oğlu İmran oğlu müxtəlif bədən xəsarətləri ilə Quba Rayon Mərkəzi xəstəxanasına çatdırılıb.

Faktla bağlı araşdırma aparılır.