Güclü yağışlar Qubada bir sıra fəsadlar törədib
Son günlər Quba rayonu ərazisində yağan güclü yağışlar bir sıra fəsadlar törədib.
Redaktor.az-ın apa.az-a istinadən verdiyi məlumata görə, rayonun Söhüb kəndində vətəndaşa məxsus 43 baş qoyunu sel aparıb. Rayonun Tüləkəran və Kürkün kəndlərində 50 hektar kartof sahəsi məhv olub.
Dəyən ziyanın məbləğini müəyyənləşdirilməsi və aradan qaldırılması üçün müvafiq komissiya fəaliyyətə başlayıb.
Qeyd edək ki, son günlər hava şəraitinin pisləşməsi və dolunun yağması Quba ilə yanaşı Qusar rayonunda da fəsadlar törədib.
Bizi Telegram-da izləyin...
