Bakıda 43 yaşlı kişini bıçaqladılar - Borca görə
Bakıda pul borcu üstündə bıçaqlanma olub.
Redaktor.az Trend-ə istinadən bildirir ki, hadisə paytaxtın Xətai rayonu ərazisində baş verib.
Sumqayıt şəhər sakini, 1979-cu il təvəllüdlü Abdulov Elşad İsgəndər oğlu tanışı, 1976-cı il təvəllüdlü Əsgərov Ramil Nəsib oğluna borc verdiyi 400 manatı ala bilmədiyi üçün mübahisə edib.
Mübahisə nəticəsində E.Abdulov R.Əsgərova 4 bıçaq zərbəsi endirib. R.Əsgərov xəstəxanaya yerləşdirilib.
Faktla bağlı cinayət işi başlanıb və E.Abdulov şübhəli şəxs qismində tutulub.
Bizi Telegram-da izləyin...
