Yevlaxda meşə zolağında yanğın olub
Yevlax rayonunda yaşıllıq zolağında yanğın baş verib.
Hadisə Bakı-Qazax avtomagistralının Yevlax rayonuna düşən hissəsindəki meşəətarafı və digər yaşıllıq ərazilərdə qeydə alınıb.
Yanğın saatlarla davam edib. Yanğının söndürülməsi üçün əraziyə FHN-in Yevlax rayon yanğınsöndürmə briqadaları cəlb olunub. Yanğın tamamilə lokallaşdırılıb və söndürülüb. 3 hektarlıq yaşıllıq zolağı tamamən yanıb. O cümlədən 2 hektarda ağac və otlar, 1 hektara qədər meşəətrafı ərazidə isə quru ağaclar və kollar yanaraq yararsız vəziyyətə düşüb. Hadisə nəticəsində zərərçəkən olmayıb.
Yanğının səbəbləri araşdırılır. /apa/