İki rayonda qaz xətləri zədələnib

 15:37 08.10.2019     54

Tərtər və Bərdə rayonlarında avtomobillərlə 3 yerdə qaz xətləri zədələnib. 

“Azəriqaz”dan Redaktor.az-a bildirilib ki, Tərtər rayonunun Nəsimi küçəsində diametri 76 mm olan qaz xəttinin avtomobillə vurulması səbəbindən bu gün saat 12:55-dən 380 abonentin qaz təchizatı dayandırılıb. 

Rayonun Cəmilli kəndində isə 50 mm diametrində siyirtməni avtomobillə vurub qırıblar. Bu zaman xətdə qaz sızması aşkarlanıb. Hazırda sızmanın aradan qaldırılması üçün tədbirlər görülür. 

Bərdə rayonunun Qazaxlar kəndində kombaynla 50 mm diametrində olan siyirtməni zədələyiblər. Saat 14:10-dan etibarən 73 abonentin qaz təminatında fasilə yaranıb.