Əmisini yada salıb, göz yaşını tuta bilmədi - FOTO

 16:20 09.11.2019     274

Polkovnik-leytenant Rəşad Atakişiyevin qardaşı oğlu Bayraq Günü ilə əlaqədar sinif tədbirində göz yaşlarını saxlaya bilməyib.

Redaktor.az xəbər verir ki, Xətai rayon 191 saylı məkətbin şagirdi əmisi yadına düşdüyü üçün kövrəlib. Bu barədə sosial şəbəkədə millət vəkili Aydın Mirzəzadə paylaşım edib:

“Bu gün Azərbaycan radiosunda Dövlət Bayrağı Günü münasibəti ilə verilişə dəvət edilmişdim. Verilişə belə bir şəkil göndərilmişdi.

Şəkillə yanaşı belə bir mətn göndərilmişdi :

" Bu ağlayan mənim şagirdimdir. Şəhid Rəşad Atakişiyevin qardaşı oğludur.Dünən dərsdə vətən, şəhidlər mövzusunda söhbətimiz əsnasında gördüm ağlayır. Dedi, əmim yadıma düşdü, müəllim”.

Xatırladaq ki, Rəşad Atakişiyevin idarə etdiyi hərbi təyyarə iyulun 24-də, gecə, təlim-məşq uçuşu keçirən zamanı dənizə düşüb. Onun nəşi avqustun 20-də tapılaraq dənizdən çıxarılıb.