“Azəriqaz” qazanxalara qaz verməyə başladı
“Azəristiliktəchizat”ın “Azəriqaz”a 29 milyon manatdan çox borcu olduğu və buna görə də “Azəristiliktəchizat”ın qazanxanaları təbii qazla təmin edə bilmədiyi haqda mətbuatda xəbərlər yayılmışdı.
Redaktor.az unikal.org-a istinadən xəbər verir ki, məsələnin ciddiliyini nəzərə alan SOCAR rəhbərliyi əhalinin soyuqdan əziyyət çəkməməsi üçün dərhal tədbir görərək “Azəristiliktəchizat”a verilən təbii qazı təmin edib.
Xatırladaq ki, hər il noyabrın 15-dən qanuna uyğun olaraq Bakı şəhərində binalar “Azəristiliktəchizat” tərəfindən istiliklə təmin edilməlidir.
Lakin “Azəristiliktəchizat” təbii qaz təminatını həyata keçirən “Azəriqaz”a olan borc öhdəliyini yerinə yetirmədiyi üçün bu kimi problemlər yaranır.
Bizi Telegram-da izləyin...
