Saray qəsəbəsində ər-arvad dəm qazından boğulub

 00:30 16.01.2020     272

Abşeron rayonunda bədbəxt hadisə baş verib.

Redaktor.az -ın xəbərinə görə, hadisə rayonun Saray qəsəbəsində qeydə alınıb.

Qəsəbədə fərdi yaşayış evində yaşayan bir ailənin iki üzvü - 1952-ci il təvəllüdlü Bəşirov Yusif Qovluq oğlu və onun həyat yoldaşı, 1955-ci il təvəllüdlü İsmayılova Sona İsmayıl qızı dəm qazından boğularaq ölüb.

Ölənlərin meyiti aidiyyəti üzrə təhvil verilib.

Faktla bağlı araşdırma aparılır. (APA)