Ucarda yanğın oldu
Ucarda yanğın hadisəsi olub.
Redaktor.az bildirir ki, hadisə axşam saatlarında Alpout kəndində qeydə alınıb.
Kənd sakini, 1968-ci il təvəllüdlü Mübariz Mikayılova məxsus 2 mərtəbəli 6 otaqdan ibarət ümumi sahəsi 300 kvadratmetrlik olan fərdi yaşayış evində yanğın baş verib. Hadisə zamanı ev əşyaları ilə birlikdə tamamilə yanıb. Hadisə yerinə FHN-nin Ucar Rayon yanğından mühafizə hissəsinin yanğınsöndürən maşın və canlı qüvvəsi cəlb olunub. Yanğın zamanı ölən və xəsarət alan olmayıb. Yanğının hansı səbəbdən baş verməsi hələlik məlum deyil.
Fakt araşdırılır.