Ticarət mərkəzləri və “Mall”lar bu tarixdən açılacaq

 17:44 22.05.2020     635

Xüsusi karantin rejiminin hansı müddətə uzadılacağı gələcək günlərdə bildiriləcək.

Redaktor.az xəbər verir ki, bu barədə TƏBİB-in İdarə Heyətinin sədri Ramin Bayramlı bildirib.

“Lakin xüsusi karantin rejiminin uzadılacağı şübhəsizdir. Bu dövr ərzində kütləvi tədbirlərin keçirilməsi qadağandır.

Bu səbəbdən də, vətəndaşlarımıza bu istiqamətdə tədbirləri planlaşdırmamağı tövsiyə edirik”, - deyə qurum rəsmisi bildirib.

O həmçinin qeyd edib ki, iyunun birindən etibarən ticarət mərkəzlərinin açılması və rayonlara gediş-gəliş məsələsinə baxılacaq.

“Rayonlara gediş şəxsi avtomobillərlə, yoxsa ictimai nəqliyyat vasitəsilə olacaq, bu da müzakirə obyektidir.

Lakin böyük ticarət mərkəzlərinin və “Mall”ların açılması gündəmdədir. Böyük ehtimalla, əgər göstəricilər stabil olarsa, bu barədə qərar veriləcək”, - deyə Ramin Bayramlı vurğulayıb.