Bakıda bir şirkətin 98 əməkdaşında koronavirus aşakarlanıb

 18:37 22.05.2020     596

“Bakıda “Baku Steel Company” şirkətində 86 nəfərdə, şirkətin Sumqayıt filialında isə 12 nəfərdə yeni növ koronavirus (COVID-19) infeksiyası aşkar olunub”.

Redaktor.az-ın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB-in İdarə Heyətinin sədri Ramin Bayramlı deyib.

O bildirib ki, şirkətdə epidemik vəziyyəti stabilləşdirmək mümkün olub.

“İş yerlərində epidemik tələblərə riayət etmək lazımdır”, - deyə R. Bayramlı vurğulayıb. //APA